नयाँ संविधानसभामा रहने विषयवस्तुबारे आजदेखि छलफल सुरु
Admin / 2014-05-15 03:18:09
नेपाल ब्युरो–जेठ १, काठमाडौँ ।
नयाँ संविधानमा रहने विषयवस्तुबारे संविधानसभामा आजदेखि छलफल सुरु हुदैछ । त्यसका लागि संविधानसभाको बैठक आज बस्दैछ ।
संविधान अभिलेख तथा निक्र्यौल समितिका सभापति विष्णुप्रसाद पौडेलले समितिका दुईवटा छुट्टाछुट्टै प्रतिवेदन प्रस्तुत भएपछि संविधान निर्माणको नयाँ यात्रा सुरु भएको हो ।
मंगलबार तत्कालिन प्राकृतिक स्रोत,आर्थिक अधिकार र राजस्व बाँडफाँड समितिको प्रतिवेदन र राष्ट्रिय हित संरक्षण समितिको प्रतिवेदनको संविधानको प्रारम्भिक मस्यौदामा भएका सहमतिको निक्र्यौलसम्बन्धी प्रतिवेदन २०७१” र “तत्कालीन राष्ट्रिय हित संरक्षण समितिको प्रतिवेदनमा भएको असहमतिको निक्र्यौल सम्बन्धी प्रतिवेदन २०७१” प्रस्तुत गरिएका छन् । आजदेखि ती प्रतिवेदनमा दफाबार छलफल भएपछि सहमति भएका विषय मस्यौदा लेखनमा र असहमतिका विषय संवैधानिक राजनीतिक सम्वाद समितिमा पठाइने संसद सचिवलयका प्रवक्ता मुकुन्द शर्माले जानकारी दिनुभयो ।
संविधानसभाले आगामी असोज मसान्तसम्म संविधान निर्माण पूरा गरी कात्तिक मसान्तभित्र जनताबाट राय सुझाव लिने र माघ ८ गतेभित्र संविधान जारी गरिसक्ने नयाँ कार्यतालिका बनाइसकेको छ ।
यसैबीच संविधानसभा अन्र्तगतको अभिलेख अध्ययन तथा निक्र्यौल समितिको बैठक पनि आज बस्दैछ । आज बस्ने बैठकले यसअघि उपसमतिले बुझाएका प्रतिवेदनमा छलफल गरेर संविधानसभामा पेश गर्नेछ । चारवटा उपसमितिमा प्रतिवेदन पेश गर्न बाँकी रहेको छ ।
प्रकाशित मिति: 2014-05-15 03:18:09
प्रतिक्रिया: