ओईतामा उपचाररत संजितलाई सहयोग गर्न अपील
मितेरीजापान डट कम / 2014-08-01 03:07:52
ओईता,जापान।
समु्द्रमा डुबेर गम्भिर बिरामी भएका नेपाली बिद्यार्थी संजित ढकालको उपचारमा सहयोगको लागि जापानबासी नेपालीहरुमा अपिल गरेको छ। ढकालको उपचारमा सहयोग गर्नको लागि निर्माण गरिएको "संजित ढकाल बचाउ अभियान"ले आज एक निज्ञप्ति प्रकाशित गरि सो अव्हान गरेको हो।अभियानको संयोजकमा संचारकर्मी नबिन निउरे रहेका छन।
समुद्रको किनारमा पौडी खेल्ने क्रममा डुबेका ढकाललाई तत्कालै एअर एम्बुलेन्सको सहायताले उद्धार गरी उपचारका लागि अस्पताल भर्ना गरिएको थियो । आईसियुमा राखिएका ढकालको स्थिति नाजुक रहेको बताईएको छ। अस्पताल ब्यबस्थापनले स्वस्थस्थितिको बिस्तृत बिवरण परिवारका सदस्यलाई मात्र बताउने भनेपछि परिवार सदस्यको जापान आउने भिषाको ढकाल अध्ययनरत कलेजले प्रकृया शुरु गरिसकेको बिज्ञप्तिमा जनाईएको छ।
बिरामी ढकाल ४ महिनादेखि क्युसु क्षेत्र अन्र्तगत ओइता केन स्थित निप्पोन बुन्री युनिभरसिटीमा भाषा अध्ययनरत थिए ।
अभियानले अस्पतालको आइसियुमा उपचाररत ढकालको घाउमा मल्हमपट्टी लगाउन र उपचारमा सक्दो सहयोग गर्न आर्थिक सहयोग गर्न सबैमा अपील गरेको हो ।
अभियानले सहयोग गर्न चाहनेहरुका लागि जापान पोष्टको एकाउन्ट नम्बर १०५७०–२३९२०४२१ मा रकम जम्मा गरिदिन आग्रह गरेको छ
अपीलको पूर्णपाठ :
सम्पूर्ण जापानवासी नेपालीहरुमा अपील,
नेपालको राजनीतिक दुरावस्थाका कारण युवाहरु धमाधम बिदेशिनुपर्ने बाध्यात्मक अवस्था सिर्जना भइरहेको छ । यसै सिलसिलामा गोरखा घर भएका संजित ढकाल ४ महिना देखि क्युसु क्षेत्र अन्तर्गत ओइता केन स्थित ल्ष्उउयल दगलचथ गलष्खभचकष्तथ मा भाषा अध्ययन गर्दै आएका थिए ।
पाँचदिन अघि ढकाल समुद्री किनारमा पौडी खेल्ने क्रममा डुब्न पुगेपछि तत्कालै आकस्मिक एअर एम्बुलेन्सको सहायताले उद्वार गरी अस्पताल पु¥याएको सबैलाई अवगत भईसकेको छ ।
हाल उपचाररत रहेका ढकालको अवस्थान नाजुक रहेको डाक्टरहरुले बताएका छन् । परिवारका सदस्य जापान नआई सम्पूर्ण जानकारी नदिने बताएपछि ढकाल अध्ययन गर्दै आएको कलेजले भिषा प्रक्रिया मिलाई दिएको हुदा केही दिन भित्र जापान आईपुग्ने गरी प्रक्रिया अघि बढाईएको छ ।
अस्पतालको आईसियुमा उपचाररत ढकालको घाउमा मल्हमपट्टी लगाउन सम्पूर्ण जापानबासी नेपालीहरुमा अपील गर्दछौं । विगतमा पनि यहाँहरुले यस्ता थुप्रै कार्यहरुमा तदारुकताका साथ आफूलाई प्रस्तुत गर्नुभएको थियो ।
प्रवासी नेपालीहरु मनकारी हुनुहुन्छ र विगतमा सामाजिक क्षेत्रमा यहाँहरुले देखाउनु भएको तदारुकता फेरि एकपटक प्रस्तुत गर्नुहुनेछ भन्ने हामीले पूर्ण विश्वास लिएका छौं ।
हरेक नेपालीलाई पर्ने समस्या सामूहिक ढंगले हल गरौं भन्ने अभिप्रायले हामीले ‘संजित बचाउ अभियान’ घोषणा गरेका छौं । उक्त अभियानमा यहाँहरु संक्रिय रुपमा सहभागी भई उनको जीवन रक्षाका लागि हृदयदेखि आर्थिक सहयोग गरिदिनु हुन हार्दिक अनुरोध गर्दछौं ।
संयोजक
नविन निउरे
संजित बचाउ अभियान
सम्पर्क नं.080-4145-9955
सदस्यहरु
हर्क थापा
टंक गैरे
स्मृति आचार्य
भवानी पन्त
जोन छन्त्याल
समर बस्नेत
पुस्करजंग थापा
सर्मेन्द्र पिसी
रविन्द्र श्रेष्ठ
मदन गैरे
मिलन बस्नेत
प्रकाशित मिति: 2014-08-01 03:07:52
प्रतिक्रिया: