किसानलाई सहुलियत कार्ड वितरणका लागी अर्थले बजेट अभाव देखायो
Admin / 2014-07-01 05:54:09
नेपाल ब्युरो–असार १७, काठमाण्डौ ।
कृषि विकास मन्त्रालयले किसानलाई वितरण गर्ने भनेको सहुलियत कार्ड कार्यक्रम कागजमा मात्र सीमित रहेको छ ।
अर्थ मन्त्रालयले कार्डका लागि बजेट अभाव देखाएपछि कार्यक्रमले योजनाअनुसार मूर्त रुप लिने सम्भावना समेत टरेर गएको छ । आगामी आथिर्क वर्षको बजेटबाट किसानलाई सहुलियत कार्ड वितरण गर्ने गरी कार्यविधि बनाए पनि अर्थका कारण रोकिएको एक अधिकारीले बताएका छन् ।
अर्थको बजेट नदिने निर्णयसँगै कृषकले सहुलियत कार्ड नपाउने पक्का भयो मन्त्रालयले प्रस्ट्याएको छ ।
कृषिले गत जेठमै किसान कार्डको व्यवस्था मिलाउन आवश्यक प्रक्रिया पूरा गरेर बजेटका लागि अर्थ पठाएको कृषिका सह–सचिव मोहन चापागाईंले जानकारी दिनुभयो ।
कृषि मन्त्रालयका अधिकारी राज्यबाट पाउने सुविधा किसानका नाममा अरुले लैजान नसकून् भनेर यस्तो कार्यक्रम ल्याएको बताउँछन । तराईमा चार हेक्टर र हिमाल तथा पहाडमा २० रोपनीसम्म जग्गा भएका कृषकलाई सहुलियत कार्ड उपलब्ध गराउने तयारीका साथ मन्त्रालयले विभिन्न काम अघि बढाएको थियो ।
साना किसानको कृषि उपज प्रतिस्पर्धी हुन नसकेपछि मन्त्रालयले यस्तो व्यवस्था गर्न लागेको चापागाईंको भनाई छ ।
प्रकाशित मिति: 2014-07-01 05:54:09
प्रतिक्रिया: