अभिव्यक्ति स्वतन्त्रतालाई कुण्ठित गर्न हुन्न : दाहाल
Admin / 2014-06-27 03:32:57
नेपाल ब्युरो–असार १३,काठमाडौ ।
एकीकृत माओवादीका अध्यक्ष पुष्पकमल दाहालले संसदमा दर्ता गरिएको अदालतको अपहेलना सम्बन्धी विधेयकविरुद्ध संसदमा सशक्त रुपमा आवाज उठाउने बताउनुभएको छ ।
मोरङको विराटनगर विमानस्थलमा आज विहान सञ्चाकर्मीहरुसँग कुराकानी गर्दै दाहालले कसैको अभिव्यक्ति स्वतन्त्रतालाई कुण्ठित गर्न नहुने भन्दै यसबारेमा संसदमा आवाज उठाउने बताउनुभयो । दाहालले जनताको मौलिक हकलाई पनि दबाउने कोशिश भईरहेको भन्दै यसबारेमा आफ्नो पार्टीले संसदमा यसकाविरुद्ध चर्को आवाज उठाउँने बताउनुभयो ।
दाहालले पछिल्लो समयमा अदालतको गतिविधि आफूले सकारात्मक नदेखेको समेत बताउनुभयो । उहाँले शान्ति प्रक्रिया टुंगोमा पुर्याउन र संविधान निर्माणका लागि सहयोगका लागि अन्य पाँच दलसँग गठबन्धन हुने बताउनुभयो ।
उहाँले पाँच दलीय गठवन्धनबारे औपचारिक रुपमा भोलि पत्रकार सम्मेलन गरी जानकारी दिइने बताउनुभयो ।
प्रकाशित मिति: 2014-06-27 03:32:57
प्रतिक्रिया: