एमाओवादीले आज नेताहरुको कार्यविभाजन गर्ने
Admin / 2014-06-02 03:53:38
नेपाल ब्युरो – जेठ १९, काठमाडौँ ।
एकीकृत नेकपा माओवादीले आज नेताहरुको कार्यविभाजन गर्ने भएको छ ।
हिजो बस्ने तय गरिएको केन्द्रीय कमिटी बैठक अन्तिम समयमा स्थगित गरिएकाले आजको बैठकले कार्यविभाजन गर्ने एमाओवादी प्रवक्ता दीनानाथ शर्माले जानकारी दिनुभयो । अस्तिको बैठकमा पेस भएको कार्ययोजा प्रस्ताव अनुसार छलफल भएर कार्यविभाजन हुने उहाँले बताउनुभयो ।
कार्यविभाजन प्रस्ताव अनुसार अध्यक्ष पुष्पकमल दाहाललाई समग्र पार्टी, वरिष्ठ नेता डा बाबुराम भट्टराईलाई सदन तथा अध्ययन अनुसन्धान, उपाध्यक्ष नारायणकाजी श्रेष्ठलाई अन्तराष्ट्रिय, उपाध्यक्ष पोष्टबहादुर बोगटीलाई सङ्गठन तथा अनुगमन विभाग संयोजकमा राखिएको छ । सचिव टोपबहादुर रायामाझीलाई सदन र संसदीय दलको उपनेता, सचिव वर्षमान पुनलाई स्कुलिङ विभाग र सचिवलाई गिरिराजमणि पोखरेल सदनमा सचेतकको जिम्मा दिएको छ ।
बैठकले आर्थिक विभागमा कोषाध्यक्ष हरिबोल गजुरेल रहने प्रस्ताव गरेको छ ।
हिजोको प्रस्ताव अनुसार आज छलफल गरेर अन्तिम टुङ्गो लगाउने शर्माले जानकारी दिनुभयो ।
प्रकाशित मिति: 2014-06-02 03:53:38
प्रतिक्रिया: