नेपाल–भारत पाईपलाईन निर्माणबारे आजदेखि दुईपक्षीय छलफल सुरु हुँदै
Admin / 2014-09-07 02:46:10
नेपाल ब्युरो– भदौ २२, काठमाडौ ।
भारतले सर्तसहितको पाइपलाइन अनुदानमा बनाइदिने प्रस्ताव गरेको छ ।
अनुदानमा सैद्धान्तिक सहमति जनाइसकेका भारतीय आयाल कर्पोरेसन आईओसीबाट २५ वर्षसम्म पेट्रोलियम पदार्थ किन्नुपर्ने सर्त राखेको हो ।
नेपाल–भारत पाईपलाईन निर्माणबारे आजदेखि दुईपक्षीय छलफल सुरु हुदैछ ।
छलफलका लागि भारतीय आयल कर्पोरेसन आइओसीका पाइपलाईन प्रमुखसहितको टोली राजधानी आइपुगेको छ । अपरान्ह ३ बजेपछि वाणिज्य तथा आपूर्ती मन्त्रालयमा हुने वार्तामा नेपाल आयल निमगका प्रतिनिधीसहित मन्त्रालयका उच्च अधिकारीहरुको पनि सहभागिता रहनेछ । ३ दिनसम्म चल्ने वार्ताले सहमतीको मस्यौदा तयार गर्ने आयल निगमका प्रबक्ता मुकुन्द घिमिरेले जानकारी दिनुभयो ।
भारतीय टोलीसंग पाईपलाईन निर्माणको मोडालिटी, जग्गा उपलब्ध, सम्झौता हुने मस्यौदाको अन्य बुँदामा छलफल हुने निगमले जनाएको छ । त्यसपछि वाणिज्य मन्त्रीस्तरीय सम्झौता हुनेछ । वार्ता सकिएपछि भारतीय टोलीले पाईपलाईन निर्माण गरिने स्थानको भ्रमण समेत गर्नेछ ।
भारतीय प्रधानमन्त्री नरेन्द्र मोदीले पाईपलाईन निर्माणमा सहयोग गर्ने घोषणा गरेलगत्तै भारतीय पक्षले यसमा चासो देखाएको छ ।
प्रकाशित मिति: 2014-09-07 02:46:10
प्रतिक्रिया: