म्यान्चेस्टर युनाईटेडको खराब प्रदर्शन जारी
Admin / 2014-08-31 03:34:46
नेपाल ब्युरो– भदौ १५, एजेन्सी ।
इंग्लिश प्रिमियर लिग फुटबलमा गए राति भएको खेलमा म्यान्चेस्टर युनाईटेडको खराब प्रदर्शन जारी रहेको छ ।
खेलमा म्यान्चेस्टर युनाईटेडलाई बर्नलेले गोलरहित बराबरीमा रोकेको हो ।
यो सँगै नयाँ प्रशिक्षक लुईस भान गालको पहिलो सिजनमा लगातार तीन खेल जितविहिन भएको छ । उता म्यान्चेस्टर सिटी पनि गएरातीको खेलमा पराजित भएको छ । साविक विजेता म्यान्चेस्टर सिटीलाई स्टोक सिटीले १ ० ले हराएको हो ।
उपाधि दावेदार चेल्सीले भने गएराती एभर्टनलाई ६–३ ले हराएको छ । एभर्टनको मैदान गुडिसन पार्कमा भएको खेलमा चेल्सीलाई विजयी गराउन डिएगो कोस्टाले दुई गोल गरे भने रामिरेज, ब्रानिस्लाभ ईभानोभिच र नेमान्जा माटिचले एक एक गोल गरे । एभर्टनका सिमस कोलम्यानले एक आत्माघाति गोल गरेका थिए ।
उता घरेलु टोली एभर्टनको लागिभने केभिन मिरालास, स्टेभेन नेइस्मिथ र स्यामुएल ईटोले एक एक गोल गरे । प्रिमियर लिग अन्तर्गत गएरातीका अन्य खेलहरुमा स्वान्सी सिटीले वेष्ट ब्रोमलाई ३–० ले, साउथह्याम्पटनले वेष्ट ह्याम युनाईटेडलाई ३ १ ले तथा क्विन्स पार्क रेन्जर्सले सण्डरल्याण्डलाई १–० ले हराएका छन ।
न्युकासल युनाईटेड र क्रिष्टल प्यालेसले ३ ३ गोलको बराबरी खेलेका छन । गएरातीका खेलहरुपछि तीन खेलबाट ९ अंक जोड्दै चेल्सी लिग तालिकाको शिर्ष स्थानमा रहेको छ । समान खेलबाट ९ अंक नैं जोडेको स्वान्सी सिटी गोल अन्तरको आधारमा दोस्रो स्थानमा रहेको छ ।
प्रकाशित मिति: 2014-08-31 03:34:46
प्रतिक्रिया: